Кыргызстандагы бардык билим берүү мекемелери, менчигине жана макамына карабай 15-сентябрдан кадимки режимде иштеп баштайт.
Мындай маалыматты Билим берүү жана илим министрлигинен 26-августта “Азаттык” радиосуна билдиришти. Мекеменин маалыматына караганда, окуу башталганга чейин билим берүү мекемелеринин кызматкерлеринин 70% эмдөө пландалган.
Буга чейин 2021-2022-жаңы окуу жылында мектептер бардык санитардык-эпидемиологиялык талаптарды сактоо менен 15-сентябрдан иштей турганы жарыяланган.
Коронавирус пандемиясынан улам былтыркы окуу жылы 1-класстан башка класстарга онлайн башталган. 1-чейректен кийин 1-4-9-11-класстарга, ал эми "жашыл" зонадагы мектептерге бардык класстарга салттуу окутууга уруксат берилген. Жогорку окуу жайлар да ушундай эле тартипте, жарым-жартылай онлайн окуган. (JsA)
Дагы караңыз
Кытай коронавируска байланыштуу АКШны айыптады Москва полициясы: жердештерине карата кылмыш жасаган кыргызстандыктар көпЖалган маалыматка каршы мыйзам ишке кирди: ал кантип иштейт?Акжол Махмудов аукциондун акчасынан Аруузаттын дарылануусуна жардам берерин билдирдиБаткен менен Сох районунун акимдери жолугушту