Түркиянын борбору Анкара шаарында Кыргызстандын Эгемендигинин 30 жылдыгына карата фотокөргөзмө ачылды. 23-августта иш-чаранын ачылышына Кыргызстандын Түркиядагы элчиси Кубанычбек Өмүралиев жана Анкара шаарынын мэринин жардамчысы Сержан Чыгын катышты.
Көргөзмөнү Кыргызстандын Түркиядагы элчилиги жана Анкара мэриясы уюштурду.
Көрүүчүлөрдүн назарына Кыргызстандын булуң-бурчунан тартылган жана улуттук каада-салттарды чагылдырган ондогон сүрөттөр коюлду.
Анкара шаардык Искусство музейинде өтүп жаткан маданий иш-чара 28-августта жыйынтыкталат.
Түркия Кыргызстан эгемендик алгандан кийин дипломатиялык алака түзгөн алгачкы мамлекеттердин катарына кирет. Бул өлкөдө учурда 25 миңдей кыргызстандык мигрант жашап, эмгектенет.
1991-жылдын 31-августунда өлкө парламенти мамлекеттик эгемендик жөнүндө декларация кабыл алынган. Бул дата – Кыргызстандын Эгемендик күнү. (ElB)
Дагы караңыз
Таласта республикалык айтыштын жеңүүчүлөрү аныкталдыӨзбекстан сыртка алтын сатууну кайра токтоттуCNN: Кабулдун аэропортуна АКШ менен НАТОго мүчө мамлекеттердин жарандары гана киретЖети өрөөндү бириктирген кол өнөрчүлүк