Бириккен Улуттар Уюмунун (БУУ) Атомдук коопсуздук боюнча агенттиги Иран курал сапатына жеткен уранды байытуу процессин тездете баштаганын билдирди.
Атомдук энергия боюнча эл аралык агенттиктин (МАГАТЭ) 17-августта мүчө өлкөлөрдүн баяндамаларына таянган маалыматына караганда, Иран Натанз шаарындагы ишканасында центрифугалардын экинчи каскадын колдонуп, тазалыгы 60 процентке жеткен уранды байытып жатат.
2015-жылы Иран менен дүйнөнүн алты державасы - АКШ, Британия, Франция, Орусия, Кытай жана Германия кол койгон келишимге ылайык, Иран өзөктүк программасын чектеши керек эле. Бул үчүн эл аралык санкциялар алынган. Бирок АКШнын мурдагы президенти Дональд Трамптын администрациясы 2018-жылы бул келишимден чыгып кеткен. Тегеран буга жооп кылып, келишимдин айрым шарттарын аткаруудан баш тарткан. (RK)
Дагы караңыз
"Талибан" Ооганстанда аялдар укугу "ислам алкагында" урматталарын билдирдиЕБ: Гуманитардык кризиске жол бербөө үчүн “Талибан” менен диалогго даярбызИри өлкөлөрдүн баары Ооганстандагы элчилигин эвакуациялаштыАк илбирсти коргоого арналган марафонго даярдык башталды