Пакистан Ооганстан менен чек арасындагы эң башкы өткөрмө бекеттердин бири Торхамды жапты. Чек аранын бул аймагы талибдердин колуна өткөн.
Пакистандын ички иштер министри Шейх Рашид Ахмад бул чечим чек аранын экинчи тарабындагы өзгөчө кырдаалга байланыштуу кабыл алынганын айтты. Ал чек ара ооган полициясы талибдерге багынып бергенден кийин жабылганын Goe TV телеканалына курган маегинде белгиледи.
Пакистандын бийлиги буга чейин эле жаңы ооган качкындарын кабыл алууга мүмкүнчүлүгү жок экенин билдирген.
Учурда талибдер Ооганстандын баш калаасы Кабулду курчап турушат. Ага чейин Ооганстандагы ири шаарлардын көбү талибдердин көзөмөлүнө өткөн.
Дагы караңыз
Ооганстан: талибдер Кабулга кирди, Гани өлкөдөн чыгып кетти"Талибан" Кабулга күч менен кирбей турганын билдирди Маршал Дустум Өзбекстандын Термез шаарына качты“Талибандын” үрөй учурган зомбулугуОоганстан: түндүктөгү чоң шаар Мазари-Шариф талибдердин колуна өттү