Орусиянын Москва шаарындагы Кузьминки районундагы калайман мушташка катышкан 26 кыргызстандык депортация болду. Бул тууралуу Орусиянын Vesti.ru басылмасы жазды.
“Кечээ колуна кишен салынган чет элдиктердин тобу Кыргызстанга депортацияланды. Аларга Орусияга 40 жылга чейин кирүүгө тыюу салынган”, - дейт аталган басылма.
Июль айында Москвада кыргызстандык жана тажикстандык мигранттар мушташып, жүздөй киши кармалган.
Кыргызстандын Ички иштер министрлигинин (ИИМ) Орусиядагы өкүлү Нурлан Жанбаев Москвада кыргыз-тажик жарандарынын калайман мушташынан улам "бейбаштык" беренеси менен иш козголгонун билдирген.
Полиция 103 адамды кармаган жана алардын 70тен ашыгы Кыргызстандын жарандары. Аларга каршы үч тажик жараны полицияга арыз жазган. (МТа)
Дагы караңыз
Агартуу иши аксаган коомдо агрессия күчөйтКоронавирустун жаңы толкунунан улам АКШнын ооруканалары толуп калдыЧукул билдирүү: Тоолуу райондордо жаан карга айланатМосква Казакстандагы "улутчулдукка" да кабатыр