Камчаткада Ми-8 тик учагы кулап, сегиз адам набыт болгону кабарланууда. Дагы сегиз адам аман калган. Бул тууралуу саламаттык сактоо тармагындагы булактарына таянып, Интерфакс жазды.
Набыт болгондордун сөөгү кыйраган тик учактын калдыктары менен чогуу Куриль көлүнө чөгүп кеткен.
Алты жүргүнчү менен экипаждын эки мүчөсү суу бетине калкып чыгууга жетишкен. Аларды аймактагы коруктун кызматкерлери куткарышкан.
Куриль көлү Камчаткада чоңдугу боюнча 3-орунда турат. Көлдүн тереңдиги 316 метр.