Бишкек шаарынын прокурору ишкерликке мыйзамсыз кийлигишүү жана мыйзамсыз жоопко тартууга байланыштуу кызматынан бошотулду. Бул тууралуу Башкы прокуратуранын басма сөз кызматы кабарлады.
Маалыматка ылайык, Башкы көзөмөл органы тарабынан Бишкек шаардык прокуратурасынын кызматкерлеринин иши текшерилген.
Натыйжада Бишкек шаардык прокуратурасы курулуш компаниясына турак жай комплексин куруу үчүн уруксат берилген документтер мыйзамдуу экенине карабай, жүйөсүз кылмыш ишин козгогону, анын негизинде ишкананын жетекчиси кармалып, жоопкерчиликке тартылганы аныкталган. Бул боюнча сотко чейинки ачылган өндүрүш иши кыскартылган.
Башкы прокуратуранын кызматтык иликтөөсүнүн жыйынтыгында, Бишкек шаардык прокуратурасынын бир катар кызматкерлери катуу тартиптик жоопкерчиликке тартылып, жетекчиси Марсбек Кыдыкбаев кызматынан бошотулду.
Марсбек Кыдыкбаев Бишкек шаарынын прокурору болуп быйыл февралда дайындалган.(ZKo)
Дагы караңыз
Марипов: журналист Улукбек Карыбек уулун угууга даярмынКербенде төртүнчү жолу мэр шайланбай калдыЖапаров: Олимпиада байгеси өлкө эгемендигинин отуз жылдыгына татыктуу белекАкаев: Президенттикти мыйзамдуу өткөрүп бербегеним үчүн өкүнөмАйсулуу: Париж олимпиадасына катышарым белгисиз (видео)Британия жарандарын Ооганстандан чыгууга чакырдыКыргызстандыктар Олимпиададан кайткан спортчуларды тосуп алды