Жогорку сот Ош шаардык кеңешине кайра шайлоого катышып, экинчи орунга чыккан “Биздин Кыргызстан” саясий партиясын колдогон чечим чыгарды. Соттун 30-июлдагы токтомун партиянын лидери, Жогорку Кеңештин депутаты Айбек Осмонов жарыялады.
Токтомдо Бишкектин Административдик сотунун чечими күчүндө калтырылганы жазылган.
Жергиликтүү кеңештерге шайлоо быйыл 11-апрелде өтүп, жыйынтыгында Бишкек, Ош жана Токмок шаарларындагы добуш берүүнүн жыйынтыгы жокко чыгарылган. Кайра шайлоо 11-июлда өткөн.
Ош шаарынын Аймактык шайлоо комиссиясы кайра шайлоонун жыйынтыгын чыгарып, БШКга бекитүүгө жөнөткөн. Ага ылайык, мандаттар төмөндөгүчө бөлүштүрүлмөк: “Ата-Журт Кыргызстан” – 19, “Биздин Кыргызстан” – 15, “Улуттар Биримдиги” – 7, “Бир Бол” – 4.
26-июлда Борбордук шайлоо комиссиясы (БШК) "Биздин Кыргызстан" добуш сатып алууга аралашканын билдирип, анын алган добуштарын жараксыз деп тапкан жана тизмеден чыгарган.
28-июлда Бишкектин Административдик соту БШКнын бул чечимин жокко чыгарган.
29-июлда БШК Жогорку сотко арызданып кайрылган. (RK)
Дагы караңыз
“Ак-Тилекте” жүздөн ашуун жүк ташуучу машина кезек күтүп турат"Проект" басылмасынын баш редактору Орусиядан чыгып кеттиТокио-2020: Орусиялык эки спортчу төрт алтын уттуСтатком: Кылмыштуулук деңгээли кыйла жогорулады