Чүй облусунун Панфилов районундагы көчөдөгү ок атуунун чоо-жайы иликтенип жатат. Бул тууралуу 27-июлда облустук ички иштер башкармалыгы билдирди.
Мекеменин басма сөз кызматынын өкүлү Нургүл Нусупованын айтымында, окуя 24-июлда Орто-Кайырма айылында болгон, чыр бейтааныш адамдардын пикир келишпестигинен улам тутанган :
"Ок тийген 30 жана 24 жаштагы эки киши райондук ооруканага түшкөн. Аларга ок аткан киши 41 жаштагы жергиликтүү турган экени аныкталды. Тинтүү учурунда анын жанынан травматикалык тапанча, гильза жана желим ок табылды.
Факт Кылмыштардын жана жоруктардын бирдиктүү реестрине Жазык кодексинин 266-беренеси (“ээнбаштык”) менен катталып, кылмышка шектүү адам милицияга жеткирилди.
Улуттук статистика комитетинин маалыматына караганда, Кыргызстанда 2021-жылдын алгачкы төрт айында 17,5 миң кылмыш катталды. Бул бир жыл мурдагы төрт айлык көрсөткүчтөн 31% көп. (RK)
Дагы караңыз
Коронавирустан дагы 14 адам көз жумду, 969 бейтап жаңы катталдыОш: БШК "Биздин Кыргызстан" партиясын шайлоодон алып салды"Биздин Кыргызстан" партиясы Жогорку сотко кайрылатЖМК: учакты Минскиге кондурган авиадиспетчер Беларустан чыгып кетти