Өкмөттүк күчтөр менен «Талибан» кыймылынын жоочуларынын ортосунда 26-июлдагы салгылашта оогандык 46 аскер Пакистандын аймагына кире качкан. Бул тууралуу Пакистандын аскер жетекчилиги билдирди.
Ооган аскерлери Пакистандын түндүгүндөгү Читрал чек ара көзөмөл өткөрмө бекетине жакын жерге жашырынган. Алардын арасында беш офицер дагы бар экени кабарланды.
Читрал аймагы Кунар, Бадахшан жана Нуристан чөлкөмү менен чектешет.
Буга чейин жүздөгөн аскерлер Тажикстандын аймагына өтүп, баш калка сураганын «Озоди» радиосу маалымдаган.
Пакистандын аскер жетекчилиги бардык эрежелер аткарылган соң, ооган аскерлери Ооганстанга кайтарыларын билдирди.
Бул окуя Исламабад менен Кабулдун мамилеси курчуп турган маалга туура келди. Бир нече жума мурун Кабул Пакистандагы дипломатиялык өкүлүн чакыртып алган.
Ооганстандын өкмөтү Пакистандын расмий бийлиги талибдерге көмүскө колдоо көрсөтөт деп айыптап келет.
Дагы караңыз
Ош: БШК "Биздин Кыргызстан" партиясын шайлоодон алып салды"Озоди": Эмомали Рахмондун жээндери министрди сабаганКамактагы Жеңиш Молдокматов ачкачылык жарыяладыКазакстан: Арыстагы жарылуу боюнча аскер адамдары соттолдуОоганстанда жапа чеккен жайкын тургундар көбөйдү