Кезек Кыргызстанда болгон жыйын Түркмөнстанда өтөт

Ашхабад

Кыргызстанда өтүшү керек болгон Борбор Азия мамлекеттеринин президенттеринин кеңешүү жыйыны 6-августта Түркмөнстанда өтөт. Бул тууралуу Өзбекстан менен Түркмөнстандын президенттеринин 24-июлдагы телефон аркылуу сүйлөшүүсүнөн кийин белгилүү болду.

Борбор Азия мамлекеттеринин президенттеринин саммитин уюштурууну Өзбекстандын башчысы Шавкат Мирзиёев сунуштап, алгачкы жолу 2018-жылы Казакстанда өткөн. 2019-жылы Ташкентте уюштурулган. Үчүнчү саммит 2020-жылы август айында Бишкекте өтүшү керек эле, бирок коронавирус пандемиясынан улам 2021-жылга калтырылган.

Кыргызстандын президентинин басма сөз кызматы жыйын тууралуу кийинчерээк маалымат бериле турганын билдирди.

Өткөн жылы Кыргызстандагы октябрь окуяларынан кийин Түркмөнстан жыйынды Ашхабадда өткөрүүнү сунуштаганы белгилүү болгон. (МТа)

Дагы караңыз

БУУ: Ооганстанда карапайым элдин өлүмү көбөйдүБеларус: "Эркин Европа/Азаттык" радиосунун эки журналисти тергөө абагынан чыктыПрезидент Садыр Жапаров көзүнө операция жасаттыЫсык-Көл: туристтер да эмделүүдө