Улуттук статистика комитети Саламаттык сактоо жана социалдык өнүктүрүү министрлигине шилтеме берип быйыл июнь айында 22,6 миңден ашык адамдан коронавирус аныкталганын билдирди. Алардын эң көбү Бишкекте - 10 миң 737 киши.
Калктын 100 миңине алганда вирус жуктургандар май айына салыштырмалуу 2,4 эсеге, апрель айына караганда 3 эсеге көбөйгөн. COVID-19 вирусунун 47% жакыны Бишкек шаарына, 18% чукулу Чүй облусуна туура келет.
Расмий маалымат боюнча, 23-июлга чейин Кыргызстанда 2 227 адам коронавирустан каза болду. Вирус жуккандардын жалпы саны 155 005 адамга жетти. Андан 132 138 бейтап айыкты.
Статком 21-июлда быйыл жыл башынан бери 16 миң адам пневмония болуп ооруганын, бул көрсөткүч өткөн жылдын ушул маалына салыштырмалуу 24,3% көп экенин билдирген. (BTo)
Дагы караңыз
Токио-2020: Кыргызстандык спортчулар 24-июлдан тарта мелдештерге чыгат COVID-19: Орусияга барган кыргызстандыктарга тест тууралуу талап өзгөрөт Министр жол коопсуздугун караган башкармалыктын ишин сындадыБишкек оогандык кыргыздардан улам эл аралык уюмдарга кайрылдыПрезидент эмдөөдөн өтүп, элди жалган маалыматка ишенбөөгө чакырды