21-июль күнү кечинде Ысык-Көл облусунун Балыкчы-Ананьева-Каракол автожолунда Lexus жана Mitsubishi машиналары кагышып, беш киши мүрт кетип, дагы беш адам жаракат алып аймактык ооруканага жаткарылды. Чырпыкты айылында болгон кырсыкта каза болгон беш киши тең Mitsubishi автоунаасында бара жатышкан.
“Бул жол кырсыгы Ысык-Көл райондук ички иштер бөлүмүндө Кылмыштар менен жоруктардын бирдиктүү реестрине катталып, сотко чейинки териштирүү иштери башталды. Тиешелүү экспертизалар дайындалды”, - деди жол коопсуздугун камсыздоо башкармалыгынын басма сөз катчысы Тилек Исаев.
Расмий маалыматка ылайык, 2021-жылдын алгачкы беш айында Кыргызстанда 2 768 жол кырсыгы катталып, 233 киши каза болду. 4000ден ашык адам жаракат алды. Бул сандар былтыркы жылдын беш айына салыштырмалуу дээрлик 50% көп.
10-июлда эле Ош облусунун Алай районунда жана Бишкек-Ош автоунаа жолунда болгон эки кырсыктан төрт адам өлгөн. (BTo)
Дагы караңыз
Иши арбыбаган альтернативдүү жол, азабын тарткан элМарипов: кооптуу аймактардан элди көчүрүүнү тездетүү керекКыргызстанда 400 миңдей жаран коронавируска каршы вакцина алдыПрезидент депутаттар менен бир мандаттуу шайлоо маселесин талкуулады