Киевде беш жыл мурун өлтүрүлгөн журналист Павел Шеремет эскерилди. Журналисттин автоунаасы жардырылган жерге коюлган эстеликке жакындары, кесиптештерди келип гүл коюшту.
2016-жылдын 20-июлда Шереметтин машинеси жардырылып, өзү мерт кеткен.
Андан бери бул кылмыштын жагдайлары белгисиз болуп келет. Шереметти өлтүрүүгө ким буйрук бергени да аныктала элек.
2019-жылы шектүү катары үч адам кармалганы кабарланган. Шектүү музыкант Андрей Антоненко, кардиохирург Юлия Кузьменко жана медайым Яна Дугарь күнөөсүз экенин айтып келишет.
Шереметтин жакындары, кесиптештери бул кылмыштын толук жагдайлары ачылганынан шек санашат.
Беларустук оппозициячыл журналист Павел Шеремет көп жылдар бою Орусияда иштеген. Кийин орус бийлигинин жүргүзгөн саясатына макул болбой, Украинага көчүп “Украинская правда” басылмасында эмгектенип жүргөн.
Дагы караңыз
Түркмөнстанда 18 жоокер белгисиз жагдайда мерт болдуАзербайжан менен Армениянын чек арасында ок атылды Дүйнөдө вирустун "дельта" түрү тез жайылуудаПатриарх Кирилл Ысык-Көлдө сабалган баланы Москвага чакырдыАйтматовдун күмбөзү: түндүк жогору көтөрүлмөй болду