Орусиянын патриархы Кирилл Кыргызстандын Ысык-Көл облусунда спорттук машыгууда жүрүп токмок жеген тогуз жаштагы орус улутундагы баланын үй-бүлөсүнө кат жөнөттү. Бул тууралуу патриархтын басма сөз кызматы билдирди.
Катта бала улуту жана туткан дини үчүн ур-токмокко алынганы жазылган. Патриарх жабыркаган балага көңүл айтып, Москванын православдык ыйык жерлерине зыярат кылып, ишенимин бекемдөөгө чакырды.
Июль айынын башында Ысык-Көл облусундагы дзюдо секциясынын машыгуусуна барган бала сабалганы белгилүү болгон. Соттук-медициналык экспертизанын жыйынтыгы менен анын ден соолугуна жеңил зыян келтирилгени аныкталган.
Министрлер кабинетинин төрагасы Улукбек Марипов бул окуяны көзөмөлгө алып, териштирүүнү тапшырган.
Орусиянын Кыргызстандагы элчилиги "Твиттердеги" расмий баракчасына токмок жеген баланын абалын байкоого алганын жазган. (BTo)
Дагы караңыз
Кабулдун борбордук бөлүгүнө үч ракета атылдыМуфтий коронавируска байланышкан эрежелерди сактоого үндөдүКыргызстанда 362 миңден ашык киши коронавируска каршы эмделди Президент элди вакцина алууга чакырды