Улуттук коопсуздук комитетинин Коррупцияга каршы күрөш кызматы жоюлгандан кийин анын функциясы мекеменин Өзгөчө маанилүү иштер башкы башкармалыгына ( 6-башкы башкармалык) берилди. Бул тууралуу УКМКнын төрагасы Камчыбек Ташиев билдирди.
Өткөн айда президент Садыр Жапаров Антикоррупциялык кызматты жойгон жана бул кадамды паракорчулукту ооздуктоодогу чечкиндүү кадам, бизнести колдоо аракети катары сыпаттаган.
Жапаров өзүнө караштуу Коррупцияга каршы ишкерлер кеңеши түзүлөрүн билдирип, ага кайрылган ишкерлердин арыз-муңун өзү көзөмөлгө аларын айткан.
УКМКнын Коррупцияга каршы күрөш кызматы 2011-жылы түзүлгөн. Ошондон бери анын мыйзамдуулугу, ишинин натыйжасы тууралуу дооматтар маал-маалы менен айтылып келген.
Дагы караңыз
Түркмөнстан өз жарандарын эмдөөдөн өтүүгө милдеттендирдиКамчыбек Ташиевдин кезектеги жыйыны (видео)Мамкатчы Нурсултан Назарбаевдин айткандарына жооп бердиТашиев Кумтөр боюнча мамлекетке 1 млрд. сом чыгым келгенин билдирдиНазарбаев: Кыргызстанды аяп кетем