2021-жылдын 1-январына карата майыптыгы үчүн пенсия жана жөлөк пул алган адамдардын саны 198 миңден ашты.
Бул беш жыл мурдагыга салыштырганда 10,5 пайызга көп. Улуттук статистика комитетинин 7-июлда кабарлаганы боюнча, алардын ичинен 165 миңинин жашы 18ден жогорулар. Көрсөткүч 2016-жылга караганда 10,4 пайызга өстү.
18ге жашка чейинки майыптыгы үчүн жөлөк пул алган балдардын саны 32 миңден ашуун. 2016-жылдан бери мындай балдардын саны 11,3 пайызга көбөйдү.
Майыптыгы үчүн пенсия же жөлөк пул алган адамдардын 53% эркектер. Алар 2016-жылга салыштырмалуу 9,6% көбөйсө, майыптыгы бар аялдардын саны акыркы беш жылда 11,6% өскөн.
Акыркы төрт жыл ичинде 11 миңден ашуун 18 жаштан жогорку курактагы адамдарга майыптык макамы берилген. Алардын 23% кан айлануу, 13 пайызы рак оорулары, травма, уулануу болсо, башка себептер менен 11% адам майыптык макамын алышкан.
Социалдык фонддун маалыматына ылайык, Кыргызстанда пенсионерлердин катарын июнь айында 5 907, акыркы жарым жылда 30 757 адам толуктады. (ZKo)
Дагы караңыз
Жогорку Кеңеш күч органдарынын жообун талап кылды Кыргызстандагы өксүгү көп классика искусствосуОрусия Эстониянын консулунан өлкөдөн чыгып кетүүнү талап кылдыФСБ: Санкт-Петербургда Эстониянын консулу кармалдыБишкекте Инандынын тарапташтары үнсүз акция өткөрүштүКосоводо Сребреница кыргынын айыптаган резолюция кабыл алындыОрус абагында жаткан Пол Уилан өзүн АКШ түрмөсүнө которууну өтүнөтБишкек Анкаранын атайын операциясын билгенби?Кайталанган "каралуу июль"