Ультраконсервативдүү жана радикалдык кыймылдын мүчөлөрүнүн чабуулунан кийин, 5-июлда өтө турган прайд-жүрүш токтотулду. Жүрүшкө бийлик менен чиркөө да каршылыгын билдирген.
Жүздөгөн адамдар Тбилисинин көчөлөрүнө чыгып, 50 чакты журналистке кол салышты. Алардын ичинде "Азаттыктын" грузин кызматынын кабарчысы да бар.
Радикалдык кыймылдын мүчөлөрү Tbilisi Pride уюмунун кеңсесине кирип, желектерди жыртып, тоноп кетишкени тасмага түшкөн.
"Тбилиси Прайд" өкмөт менен чиркөөнү "жек көрүүнү тутантып, чагым кылды" деп айыптады. Жүрүш болордон мурдараак премьер-министр Ираклий Гарибашвили "жүрүш грузин коомчулугунун басымдуу бөлүгүнө туура келбейт" деп билдирген. Өлкөдөгү православ чиркөөсү да прайд-жүрүштү болтурбоого чакырган.
Европа Биримдиги, АКШнын жана башка 16 өлкөнүн дипломаттык өкүлчүлүктөрү грузин бийлигин жарандардын тынч чогулуу эркиндигин камсыздап берүүгө чакырышты.
Дагы караңыз
Эрдоган Орхан Инанды Түркияга алынып келгенин билдирдиТажикстан 20 миң аскер кызматкерин мобилизациялайтТбилисиде "Азаттыктын" грузин кызматынын журналисттерине кол салуу болду"Акаев менен Бакиевдин окшоштугу көп болду"Беларус Орусиядан ырчы Анжелика Агурбашты өткөрүп берүүнү сурандыОрусия: вакцина талабы, мигранттардын убайымыАктивист Улан Үсөйүн милицияга арыз жазды