Президент Садыр Жапаров Жалпы республикалык тестирлөөдөн эң көп упай алган бүтүрүүчүлөргө "Алтын сертификат" тапшырды.
"Билим берүүгө салынган инвестиция экономикалык адилеттүүлүктү камсыздоону, жакырчылыкты кыскартууну, заманбап саясий системаны иштеп чыгуу үчүн зарыл болгон интеллигенцияны калыптандырууну камтыйт",-деди Жапаров куттуктоо сөзүндө.
Президент Жапаров мамлекеттик бюджеттин кыйла бөлүгү билим берүү тармагына бөлүнүп келе жатканын, анын ичинде мектептердин курулушу, мугалимдердин айлык акысы жана билим берүүнүн сапаты менен мазмунуна көңүл бурулуп жатканын белгиледи.
Быйыл Жалпы республикалык тестирлөөнүн жыйынтыгы менен жогорку упай алган 58 бүтүрүүчү “Алтын сертифкатка” ээ болду. Эң жогорку 232 баллды Караколдогу Карасаев атындагы Ысык-Көл лицейинин бүтүрүүчүсү Жайдар Нургазиев алды.
"Алтын сертификатка" татыган бүтүрүүчүлөр.
Андан кийинки жетишкендик Бишкек шаарынан Алия Сарыгулова (231) жана Таластан Сымбат Касымбековага (230) тиешелүү.
Билим берүү жана илим министрлиги кабарлагандай, быйыл сынактарга 42 817 бүтүрүүчү катышты.(ZKo)
Дагы караңыз
Министрлер кабинети Баткен облусуна өзгөчө макам берүү маселесин карадыУКМКдагы кылмыш ишти кыскартууга убада берген алдамчылар кармалдыДепутат Рыскелди Момбеков Аскер прокуратурасына суракка чакырылдыКыргыз-тажик эли үзүрүнөн үмүт кылган жолугушуу