Бул тууралуу “Манас” эл аралык аэропорту кабарлады. Ага ылайык, Өзбекстандын Ташкент шаарынын быйыл алгачкы учак 11-июлда учуп келет.
“Өзбекстан аба жолдору” компаниясынын учагы туристтик сезон маалында Ысык-Көлдөгү Тамчы аэропортуна жумасына бир жолу – жекшемби күндөрү учуп келип-кетип турат. Учуу убактысы 1 саат 30 мүнөттү түзөт.
Туристтик сезон маалында буга чейин Орусиядан жана Казакстандан учактар каттап турган.
Тамчы аэропортун куруу 1975-жылы башталган жана толук пайдаланууга 2003-жылы берилген. Ал Чолпон-Ата шаарынан 35, Тамчы айылына беш чакырым алыстыкта жайгашкан.