Британия орусиялык кеме Кара деңизде алардын кемесине эскертүү иретинде ок чыгарганын төгүнгө чыгарды. Орус маалымат каражаттары аннексияланган Крым жарым аралына жакын жерде 23-июнда ФСБнин кемеси британ деңиз аскерлерине таандык Defender деген эсминец тарапка ок ачканын, жанына бомбалар ташталганын кабарлаган.
Маалыматка караганда, орусиялык чек арачылар британ кемеси чек араны бузган деп айыпташкан.
Падышалыктын Коргоо министрлиги ок атууну алдын ала эскертилген машыгууга байланыштырып, бомбалар ташталганы тууралуу маалыматты четке какты.
ТАСС агенттиги Defender Орусия өзүнүкү деп эсептеген аймакка үч километрге кирип кеткенин билдирген. Инцидентте эч ким жабыркаган жок деп кабарланды.
Москва кошуна Украинанын Крым жарым аралын 2014-жылы мыйзамсыз аннексиялап, Донбасстагы орусиячыл жикчилер ал аймакты өз көзөмөлүнө алышкан. Азыркыга чейин уланып келаткан жаңжал 13 миңдей кишинин өмүрүн кыйды.
Батыш ал окуялардан кийин Орусияга санкция салган.
Дагы караңыз
Талибдер Тажикстанга чектеш бекетти басып алдыЖапаров УКМКга караштуу кызматты жоётЕБ Венгриянын ЛГБТга каршы мыйзамына тынчсыздануу билдирдиЖапаров: Вакцина чыгарам деген ишканаларга жеңилдик берилет"Дельта" штаммы тездик менен жайылууда Ат-Башыда логистикалык борборго каршы болгондор акцияга чыгыштыПрезидент зекиген Райымкулов