Бишкек шаарынын мэринин милдетин аткаруучу Бактыбек Кудайбергенов 22-июнда, “Биринчи радиого” курган маегинде борбор калаага Өзбекстандан чыгарылган 50 автобус келгенин кабарлады.
Анын маалыматына караганда, бул автобустар 22-июндан тартып 1-июлга чейин элди бекер ташыйт.
“Автобустар шаардагы беш линияга кирип жатат. Элди көндүрүү максатында жүргүнчүлөрдү убактылуу бекер ташып турат”, - деди Кудайбергенов.
Кыргыз өкмөтү Өзбекстандын "Самарканд-авто" заводу менен "Исузу" маркасындагы 350 автобусту алуу боюнча келишимге кол койгону кабарланган. Автобустардын экинчи партиясы октябрга чейин келери күтүлүүдө.
Учурда Бишкекте мэрияга караштуу транспорт ишканасынын 140 троллейбусу, 110 автобусу иштейт. Мындан сырткары жеке фирмалардын 20га жакын автобусу эл ташыйт.
Расмий маалыматка ылайык, шаардыктарга ыңгайлуу шарт түзүп берүү үчүн Бишкекке кеминде миңге жакын автобус керек.
Борбор калаада муниципалдык троллейбустар менен автобустардан тышкары жүргүнчүлөрдү 41 жеке компаниянын кичи автобустары (маршруткалар) тейлейт. Бир күндө жолго мындай автобустардын миңге жакыны чыгат.
Учурда кичи автобустардын жол киреси - 10 сом, автобус менен троллейбустардыкы - 8 сом. (MiK)
Дагы караңыз
Олимп оюндарын көрүүгө 10 миңден ашуун адам киргизилбейтУлуу Ата Мекендик согуштун 80 жылдыгы эскерилетШаардык сот Бабановдун бөгөт чарасын өзгөртүү арызын жабык карап жататГрузия: Бериянын кароосуз калган дачасы аукциондо сатылдыИИМ Клара Сооронкулованы суракка чакырдыАлматы: активисттер “Көчө партиясын" чектөөгө каршы чыгыштыКонституциялык кеңеш Токаев-Назарбаев кызматташтыгын колдоду