Бул тууралуу президент Садыр Жапаров 21-июнда Европа реконструкциялоо жана өнүктүрүү банкынын (ЕРӨБ) Борбор Азия боюнча региондук директору Нил Маккейн менен жолукканда билдирди.
Президенттин администрациясы кабарлагандай, Жапаров мындан тышкары өлкөдө мыйзам үстөмдүгү менен адам укуктарын коргоо институттарын чыңдоону көздөй турганын кошумчалады.
“Кыргызстандагы чет элдик инвесторлор үчүн жагымдуу шарттарды түзүүгө өзгөчө көңүл бурулат. Биз мамлекеттин өнүгүшүндө чет элдик инвестициялардын ордун жана маанисин жакшы түшүнөбүз”, - деди Жапаров.
Нил Маккейн Европа реконструкциялоо жана өнүктүрүү банкы Кыргызстан эгемендик алгандан бери грант жана насыя катары бир миллиард АКШ долларынан ашык каражат бергенин билдирди.
Садыр Жапаров Нил Маккейнди энергетика, тоо-кен жана жеңил өнөр жайы, санариптештирүү, айыл чарбасы, туризм тармактарындагы долбоорлорду ишке ашыруу үчүн инвестициялык ресурстарды активдештирүүгө чакырды. (BTo)
Дагы караңыз
“Эти Бакыр Терексай” кенинин жери кеңейип, 62 үй көчүрүлөтЖРТ: Эң жогорку баллды Караколдогу бүтүрүүчү алдыЖК депутаттарын шайлоо жөнүндө мыйзам долбоору парламентке жиберилдиОрусиялык миллиардер Александр Лебедев Кумтөргө келип кетти