Ирандын атомдук энергетика агенттиги “техникалык катачылыктан” улам өлкөдөгү бирден-бир атомдук электр станциясында жүрүп жаткан иштер убактылуу токтотулганын кабарлады.
“Бушердеги электр станциясында болгон техникалык бузулуунун айынан Энергетика министрлигине бир күн мурун кабар жиберилди. Андан соң атомдук электр станциясы электр тармагынан ажыратылып, толук өчүрүлдү”, – деп жазылган мекеменин расмий сайтында.
Атомдук энергетика агенттиги алдыдагы күндөрдө көйгөй чечилген соң Бушердеги АЭС улуттук электр тармактарына кошула турганын кабарлады.
Мамлекеттик энергетикалык компаниянын өкүлү Таванир Голамали Рахшанимер өчүрүү 3-4 күнгө созуларын, бул аралыкта калкка электр энергиясын берүү үзгүлтүккө учурашы мүмкүн экенин эскертти.
Таванирдин айтымында, азыр Бушердеги АЭСте оңдоо иштери жүрүүдө. Анын мөөнөтү болжол менен 25-июнга чейин созулат.
Иран 2011-жылы ишке киргизилген Бушер АЭСиндеги авария тууралуу биринчи жолу кабарлады.
Дагы караңыз
Тажикстан Казакстанга сугат үчүн кошумча суу беретЖК депутаттарын шайлоо жөнүндө мыйзам долбоору парламентке жиберилди“Кумтөрдү” сырттан башкаруу “Центерра” менен мунаса табылганда токтойтТажикстан Кытайдан жардам катары 300 миң доза вакцина алды Орусиянын элчиси үч айдан соң АКШга кайтып барды