Азия өнүктүрүү банкы кыргызстандык ишкерлерге 80 миллион доллар берет. Анын 69,3 млн. доллары жеңилдетилген насыя катары 24 жылга 1% үстөгү менен берилет. Ал эми 10,7 миллион доллары грант. Бул тууралуу бүгүн, 21-июнда, экономика жана каржы министринин орун басары Мирлан Байгончоков Жогорку Кеңештин Бюджет жана каржы комитетинин жыйынында билдирди.
Маалыматка ылайык, сөз болуп жаткан 80 миллион доллар кепилдик фонддун эсебине түшүп, чакан жана орто ишканаларды өнүктүрүү үчүн ишкерлерге насыя катары берилет.
Өкмөт өткөн жылы ишкерлерди колдоо үчүн 6-10% менен жеңилдетилген насыяга бюджеттен 14 миллиард сом каралганын билдирген. Мындан тышкары, айыл чарба тармагында иштеген 12 миң ишкерге 5,7 миллиард сомго жакын насыя акча бөлүнгөнү кабарланган. (MiK)
Дагы караңыз
Коомдук ишмерлер Бабановдун иши боюнча президентке кайрылдыАйтыш-2021: сынактын жеңүүчүлөрү сыйланды (видео)Кыргызстанда курулуш материалдары 10,5% кымбаттадыЖапаров менен Козак вакцина маселесин талкуулады Коронавирус дагы алты кишинин өмүрүн алды, 585 учур катталды Маматов: Мыйзам бузган талапкерлер кайра шайлоого катышкан жокАрмения: парламенттик шайлоонун баштапкы жыйынтыгы чыкты