Кыргызстанда Апас Жумагулов, Абдыганы Эркебаев, Алтай Бөрүбаев, Накен Касиев, Роза Айтматова баштаган коомдук ишмерлер камакта жаткан экс-премьер-министр Өмүрбек Бабановдун ишине байланыштуу президент Садыр Жапаровго кайрылды.
Кайрылууда алар Бабановдун бөгөт чарасын өзгөртүп, тышка чыкпоо тил каты менен камактан бошотууну өтүнүштү. Андан тышкары тергөө, сотту ачык-айкын өткөрүү маанилүү экенин белгилешти.
Өмүрбек Бабанов 31-майда Улуттук коопсуздук боюнча мамлекеттик комитетке (УКМК) суракка баргандан кийин кармалган. Жазык кодексинин “Коррупция” беренеси менен айыпталган мурдагы премьер-министр Бишкектин Биринчи май райондук сотунун чечими менен 31-июлга чейин камалган.
2011-2012-жылы премьер-министр болуп турган Бабанов өзүнө козголгон кылмыш ишин “абсурд” деп атаган. Атайын кызмат ага тергөө учурунда алынган далилдердин негизинде иш козголгонун билдирген. (BTo)
Дагы караңыз
Кыргызстанда курулуш материалдары 10,5% кымбаттадыЖапаров менен Козак вакцина маселесин талкуулады Коронавирус дагы алты кишинин өмүрүн алды, 585 учур катталды Маматов: Мыйзам бузган талапкерлер кайра шайлоого катышкан жокАрмения: парламенттик шайлоонун баштапкы жыйынтыгы чыкты