Түркияда кыргызстандык эки адам опузалоого шек саналууда. Алар 31-майда Стамбул шаарынын Зейтинбурну аймагында 4 килограмм алтын куймасын ташып бараткан кытайлык жаранды ур-токмокко алып, алтынды тоногон топтун арасында болгон деп айыпталып жатышат.
"Демирөрен" агенттиги шаар прокуратурасы кылмыш ишин козгоп, 20-июнда алты адам кармалганын, экөө кыргызстандыктар экенин жазды.
Шек саналгандардын арасында кытайлык, казакстандык жана сириялык жарандар да бар экени айтылууда.
Аларга Түркиянын Жазык кодексинин 148-беренеси ("Адам опузалоо жана уурдоо") боюнча айып тагылган. Бул берене менен айыпталгандар 6 жылдан 10 жылга чейин камалышы мүмкүн.
Расмий маалыматтарга караганда, Түркиянын абактарында ушул тапта 12 кыргызстандык жаран отурат.
Расмий түрдө түрк жергесинде 25 миңден ашуун кыргызстандык каттоодон өтүп, жашайт. Алар негизинен Стамбул, Анкара, Анталия сыяктуу шаарларда эмгектенишет.(ElB)
Дагы караңыз
Өлкө боюнча 1,2 миллиондон ашык киши эмделдиЯлтада селден улам өзгөчө кырдаал жарыяланды Жарандык коом маалымат мыйзамын четке кагууга чакырдыРаисини алгачкылардын болуп Путин менен Эрдоган куттуктадыШайлоону утурлай биометрикалык маалыматтар чогултула баштады