Түркмөнстандын Лебап облусунда газга карызы бар тургундарга мамлекет белгилеген наркта азык-түлүк сатууга тыюу салынды.
"Азаттыктын" түркмөн кызматы кабарлагандай, миңдеген киши ун, сарымай жана кумшекерди жеңилдетилген баада ала албай жатышат.
Ушул тушта өлкөнүн бир канча аймагында газга карызды төлөө жаатында эсеп-кысап жүрүүдө.
Карыз нак төлөнүүгө тийиш. Бирок соңку жылдары экономикалык кризиске кабылган Түркмөнстанда нак акча жетишсиз боло баштаган.
"Азаттык" Түркмөнстанда нан кымбаттаганы, азык-түлүк тартыштыгы жаралганы, адамдар жарым түндөн тартып дүкөндөрдө кезекке туруп жатканы тууралуу маалымдаган. Жагдайды полиция көзөмөлгө алып турат.
Мамлекетте мурда бир нан 2 манаттан сатылса, соңку айларда 5 манат болуп калды (1 манат - 3,5 АКШ долларына барабар).
Дагы караңыз
Чүйдө мечиттегилерди курал менен коркуткан киши үй камагына чыгарылдыӨзбекстанда акимчиликке кой айдап барган адам камалдыОрусия Түркияга аба каттамдарын ачат Орусияда парашютчулар бараткан учак кулады