Жогорку сот 13 жаштагы кызды зордуктады деп айыпталган үч кишиге чыккан Ысык-Көл облустук сотунун өкүмүн күчүндө калтырды. Бул тууралуу мекеменин басма сөз кызматы билдирди.
Маалыматка ылайык, Ысык-Көл облусунун соту быйыл март айында К.Ж. жана С.Эни Жазык кодексинин 161-беренесинин 4-бөлүгү ("Зордуктоо") менен күнөөлүү деп тапкан. Алардын ар бири 15 жылга эркинен ажыратылып, жабырлануучуга 100 миң сомдон моралдык зыян төлөп берүүгө милдеттендирилген.
Үчүнчү айыпталуучу К.У. Жазык кодексинин 161-беренесинин 3-бөлүгүнүн 1-2-пункту жана ушул эле берененин 3-бөлүгүнүн негизинде 20 жылга соттолгон. Соттун өкүмүнө ылайык, ал дагы жабырлануучуга 100 миң сом моралдык зыян төлөп бериши керек.
Бирок айыпталуучулар облустук соттун бул чечимине каршы Жогорку сотко доо арыз менен кайрылган.
Бул иш алгач 2020-жылы 11-декабрда Тоң райондук сотунда каралган. Кыздын жакындары “судья Сабыр Содонбеков кылмышка шектүү үч кишинин экөөнү актап, үчүнчүсүнүн жазасын жеңилдеткен чечим чыгарды” деп нааразы болушкан.
Жакындарынын айтымында, кызды үч киши көптөн бери зордуктап жүргөн. Кылмыш тууралуу алар кыз кош бойлуу болуп калганда гана билишкен.
Адвокат Айнура Асанованын «Азаттык» радиосуна билдиргени боюнча, 45 жаштагы Урмат аттуу адамдын айыбын райондук сот жеңилдетип, ага карата «Зордуктоо» беренеси менен козголгон кылмыш ишин «Жашы жете электерге карата жыныстык аракет» беренесине которуп, 7,5 жылга эркинен ажыраткан. Ал эми Жолдошбек жана Эржан аттуу адамдар «иштин курамында кылмыш жок» деген жүйө менен акталган.
Сиздин браузер HTML5 ыкмасын колдобой жатат.
Кыздын укугун тепсеген сотко каршы акция башталды
Тоң райондук сотунун чечими коомчулуктун сын пикирин жаратып, жарандык активисттер шектүүлөрдүн жазасын жеңилдеткен судьяга кызматтык иликтөө жүрүшүн талап кылышкан. Бул маселе Жогорку Кеңеште да көтөрүлгөн. (MiK)
Дагы караңыз
Израил аң тери буюмдарын өндүрүүгө, сатууга тыюу салды"Ыйман нуру" менен "Ак бата" шаардык кеңештерге шайлоого катышпайт“Чоң жети” пандемия, климат жана Орусияны талкуулайтФутбол: Коронавирустан улам Кыргызстандын дарбазачылары оюнга чыкпайтОктябрдагы тополоңдо жараат алгандар митингге чыкты