Кыргызстандык балбан кыз Айсулуу Тыныбекова «Poland Open» эл аралык мелдешинде алтын медаль тагынды. Күрөш боюнча кыз-келиндер арасында мелдеш ушу тапта Польшанын борбору Варшавада өтүп жатат.
Мелдештин алгачкы күнүндө Айсулуу Тыныбекова 62 килограммга чейинки салмакта килемге чыгып, жалпы үч беттеш өткөрдү.
Чейрек финалда Тыныбекова орусиялык Любовь Овчарованын далысын килемге басып, мөөнөтүнөн мурда жеңип алды. Жарым финалда кыргыз спортчусу дагы бир орусиялык балбан кыз Светлана Липатова менен беттешип, 3:1 эсеби менен жеңишке жетип, финалга чыкты. Чечүүчү беттеште Айсулуу канадалык Анна Паула Годинез Гонзалезди 7:1 эсеби менен утуп, жеңишке жетти.
Айсулуу азыркы тапта дүйнө чемпиону. Ал бул наамга эки жыл мурда Нур-Султан шаарындагы чемпионатта ээ болгон жана Токио жайкы Олимп оюндарына жолдомо алган. Азиянын төрт жолку чемпиону.
8-июнда башталган «Poland Open» эл аралык мелдеши 13-июнда жыйынтыкталат. (GT)
Дагы караңыз
The Diplomat: Риклтон менен Риттманндын Кыргызстанга кириши каралууда Өзбекстан-Тажикстан чек арадагы кызматташтыкты бекемдейтМалала Юсуфзайды өлтүрүүгө чакырган диниятчы кармалдыAI Шинжаңдагы куугунтукту адамзатка каршы кылмышка теңеди