Борбор Азиядагы Америка университетинин (БААУ) мурдагы президенти Эндрю Качинс Кыргызстандан чыгарылбайт.
Бул тууралуу Башкы прокуратура маалымдап, эгер Качинс АКШга кетүүнү көздөсө, анда Улуттук коопсуздук мамлекеттик комитетинин Чек ара кызматы аны колго түшүрө турганын эскертти.
Эндрю Качинс Кыргызстандын Жазык кодексинин жана Жоруктар кодексинин баңгизатка байланыштуу бир канча беренелери менен шек саналып жатат. Өзүнө 3-июнда расмий кабарланганын Башкы прокуратура билдирди.
Качинс апрелде милицияга суракка чакырылган. Университеттин жетекчилиги жана окутуучулары муну Качинске карата туура эмес мамиле, чаташкан окуя деп сыпатташкан. Өзү комментарий берген эмес.
Эндрю Качинс Кыргызстандагы ишмердигин аяктап, АКШга кетип жатканы тууралуу 7-июнда окуу жайдын Камкорчулар кеңеши маалымат берген. (SE)
Дагы караңыз
Анкарада Эл аралык Ысык-Көл форуму өттүКыргыз-түрк ымаласы: Жапаров менен Эрдогандын дымагыБажычы Карашевдин байманалуу жашоосу жөнүндө иликтөө чыктыКумтөр иши: Нарымбаев менен Баатырбеков камалды