Соңку эки аптадан бери Африка мамлекеттеринде коронавирус тездик менен жайылып баратат. Түштүк Африка республикасында эле өткөн аптада вирус аныкталгандардын саны 60%га өскөн. Ал арада Дүйнөлүк саламаттыкты сактоо уюму бул континенттеги мамлекеттерге вакциналарды жеткирүү дээрлик токтогонун билдирди.
АКШ президенти Жо Байден 3-июнда вакциналарды бөлүштүрүү боюнча COVAX механизми аркылуу Вашингтон дүйнөдөгү жакыр мамлекеттерге жардам берерин жарыялады. Буга чейин Ак үй июнь айынын соңуна чейин жакыр мамлекеттерге 80 миллион доза вакцина таратарын билдирген. Эми анын 25% күтүлбөгөн кырдаалдар үчүн сакталып турары маалым болду.
Кошмо Штаттарда чоң адамдардын 63% вакцинанын биринчи дозасын алышты. Вирусту жугузуп алгандардын саны кыйла кыскарып, күнүнө 16 миңдей эле адамдан аныкталып жатат.
Эмдөө кампаниясы Кытайда да абдан тез ыргакта жүрүп жатат. Жыл соңуна чейин 1,4 миллиард калктын 80% на вакцина сайылары кабарланды.
Дагы караңыз
Чек ара кызматы Унжу-Булакта абал туруктуу экенин билдирдиТажикстан: чек арачылар макулдашылган тилкеде туратКлооп: Райымбек Матраимов жаңы пентхаус сатып алдыПротасевичтин "күнөөсүн мойнуна алганын" айткан видео көрсөтүлдү