Жогорку Кеңештин 3-июндагы отурумуна Бишкек шаар башчысынын милдетин аткаруучу Бактыбек Кудайбергенов чакырылып, калаада түзүлгөн акыркы кырдаал боюнча депутаттардын суроолоруна жооп берип жатат.
Ал маршруттук таксилер боюнча кырдаалды мындан ары кантип чечишти билбей жатканын депутаттарга айтты.
"Биз маршруттук таксилер эртең ишке чыгабы же чыкпайбы билбейбиз. Сүйлөшүү жүргүзүп, алардан өтүндүк. Бул көйгөйдү чечүүнүн дагы кандай жолу бар, билбейм. Жүргүнчү ташыган фирмаларды сентябрга чейин чыдап тургула десек, макул болбой жатышат. Балким эртең да чыгышпайт. Бишкек шаардык автортранспорттук ишкана жүргүнчүлөрдү ташый берет. Кошумча дагы 30 машине ишке тартылды", - деди Кудайбергенов.
Депутаттар бул маселеге өкмөт кийлигишпесе көйгөй чечилбесин эскертишти. Бишкек шаардык кеңеши чукул жыйынга чогулушу керектигин белгилешти.
Шаар ичиндеги элдин кыймылын камсыз кылган маршруттук каттамдын айдоочулары 2-июндан тартып жапырт иш таштаган. Алар жол киренин көтөрүлүшүн талап кылып жатышат.
Бишкекте жүргүнчүлөргө 42 жеке маршруттук компания кызмат көрсөтөт. Анда үч миңден ашуун маршруттук такси элди тейлейт. ( (BCh)
Дагы караңыз
Инандыны тапкандарга сый акы жарыяландыАптап Борбор Азиянын шайын оодардыТокиодогу Олимп оюндары өз мөөнөтүндө өтөтЖК: Тазабек Икрамов эл аралык комитеттин төрагалыгына шайланды