1-июндан тарта Өзбекстандын Анжиян шаары менен Оштун ортосунда маршруттук каттам кайрадан жанданды.
Бул тууралуу "Азаттыктын" өзбек кызматы кабарлады.
Өзбекстандын Транспорт министрлиги билдиргендей, кыргызстандык "Трансордо" компаниясы заманбап 12 микроавтобусту каттамга койду.
Анжиян-Ош шаарларынын ортосундагы каттам 2019-жылдын сентябрь айында башталып, 2020-жылы пандемиянын айынан токтоп калган.
Эки өлкө ортосундагы аралык 45 чакырым.
Жүргүнчүлөр 72 сааттын ичинде тапшырылган ПЧР-анализи менен өтө алат.
Өзбекстандын атуулдары үчүн биометрикалык (эл аралык) паспорт талап кылынат. (BCh)