Жогорку Кеңештин мурдагы депутаты Исхак Пирматов бүгүн, 31-майда Улуттук коопсуздук мамлекеттик комитетине суракка чакырылганы тууралуу маалымат тарап, андан соң анын "мыйзамсыз баюу" беренеси менен кармалганы маалымдалып жатат. Атайын кызмат бул кабарды ырастай элек.
28-майда Борбордук шайлоо комиссиясы "Бир Бол" фракциясынан депутат болуп шайланган Исхак Пирматовдун мандатын мөөнөтүнөн эрте токтотуу тууралуу чечим чыгарган. Буга анын өзү жазган арызы себеп болгону айтылган.
Бүгүн мурдагы премьер-министр Өмүрбек Бабанов да Кумтөр ишине байланыштуу УКМКга суракка чакырылып кармалган. Жогорку Кеңештин экс-спикери Асылбек Жээнбеков, депутат Төрөбай Зулпукаров жана мурдагы премьер-министр Игорь Чудинов да суракка кирген бойдон чыга элек. (BCh)