Кытайда үч балалуу болгонго уруксат берилди. Мындай чечимди бийлик эл каттоонун жыйынтыгы калк тез карып баратканын көрсөткөндөн кийин кабыл алды.
"Синхуа" мамлекеттик агенттиги билдиргендей, бул чечим 31-майда өлкө лидери Си Цзинпиндин төрагалыгы алдында өткөн Саясий бюронун жыйынында жактырылды. Ал качан күчүнө кирери азырынча белгисиз.
Дээрлик 40 жылга чукул Кытай "бир үй-бүлөгө бир бала" деген саясат жүргүзүп, аны 2016-жылы жокко чыгарган. Буга жумушчу күчтүн карып баратканы жана экономикалык стагнациялар боюнча тынчсыздануулар күч алганы түрткү болгон.
Анткен менен Кытайда балдардын төрөлүшү кыскарып барат. Былтыр 12 миллион гана ымыркай жарык дүйнөгө келген. Бул эң төмөнкү көрсөткүч экенин өткөн айда Улуттук статистика боюнча бюро билдирген.
Бир ай мурда жарыяланган эл каттоонун жыйынтыгы да Кытайдын калкы 1960-жылдардан бери өтө жай ыргакта көбөйүп жатканын көрсөткөн. Учурда Кытайдын калкы 1,4 миллиард киши жана дүйнөдө биринчи орунда турат.
Дагы караңыз
Казакстанда саясий репрессиянын курмандыктары эскерилди Грузин оппозициясы парламентти бойкоттогонун токтоттуНышанов: саламаттык сактоо министри же парламент кетиши керекУу коргошун: лабораториялык изилдөө тууралуу бүтүм чыга элек