Баткенде чек арадагы куралдуу жаңжалда жабыркаган 70 бала, 20 аял мугалим Ысык-Көлдө эс алышат. 10 күндүк эс алууну "Роза Отунбаеванын демилгеси" эл аралык фонду, "Жетиген" лагери 27-майдан 6-июнга чейин уюштурууда.
Бул тууралуу "Роза Отунбаеванын демилгеси" эл аралык фонду маалымдады. Көгүлтүр көл жээгине келгендерге арт-терапия, психологиялык кеңештер менен психологиялык жардам көрсөтүлөт.
Эс алуу маалында ачык асман алдындагы байыркы петроглифтер музейине, "Рух Ордо" маданий борборуна экскурсиялар уюштурулат.
28-29-30-апрелдеги жана 1-майдагы кыргыз-тажик чек арасындагы куралдуу жаңжалда 36 кыргызстандык курман болду, 180ден ашуун адам жараат алды. 100дөн ашык турак жай, имараттар талкаланып, өрттөлдү.
Тажик тараптан 19 адам өлүп, 87 киши жараат алды.
Эки өлкөнүн Башкы прокуратуралары бири-бирин "агрессияга" айыптап, кылмыш иштерин ачкен. (BCh)
Дагы караңыз
Абактан качууга аракет кылгандардын бирөө өлтүрүлдү Былтыркы ажылык сапарга чогулган акчага 1,8 млн. доллар жетпей турат200дөй тажик жараны "Манас" аэропортунан артка кайтарылдыОоган бийлиги талибдердин колундагы туткундарын бошоттуЧек ара чырына айыпталып, Орусиядан кармалган кыргызстандыктын соту болотЖерүйдөн бюджетке бир айда 140 млн. түштү