Коронавируска каршы күрөш боюнча штабдын 25-майда берген маалыматына караганда, акыркы бир суткада COVID-19 илдетинен дагы сегиз бейтап каза болду. Алардын баары Бишкекте.
Коронавирус пандемиясы башталган 2020-жылдын март айынан бери илдеттин курмандыктары расмий эсепте 1765 кишиге жетти.
Соңку бир күндө дагы 298 адамга илдет жукканы аныкталды.
Расмий маалыматка караганда, ушуну менен пандемия башталгандан бери инфекцияны 103 000 адам жугузуп алды. Алардын 96 433ү айыкты.
Өлкөдө 29-марттан бери Кытайдын Sinopharm, Орусиянын Sputnik-V вакцинасы менен эмдөө жүрүп жатат. Жарандардын 72 миңден көбү вакцина алды.
Көз карандысыз адистер элдин баары эле дарыгерлерге кайрылбай турганын белгилеп, коронавирус жуккандардын жана көз жумгандардын саны расмий эсептен көп болушу мүмкүндүгүн божомолдошот.
Дагы караңыз
Кыргызстанда быйыл 61 546 өспүрүм мектепти аяктоодо"Аккорд": Тажикстандагы жарандык согуштун тагыСот бийлигинин ишин жөнгө салган мыйзам долбоорлору талкууга коюлдуАрча-Бешик конушунда мыйзамсыз берилген жерлер мэрияга кайтарылдыКыргызстанда үч апта катары менен доллар арзандап жатат Кыргыз-тажик чек арасы: Орусия ортомчу болгусу келет