Министрлер кабинетинин төрагасы Улукбек Марипов өлкөдөгү азык-түлүк коопсуздугун камсыздоо иштери жүрүп жатканын белгиледи. Ал мындай пикирин 22-майда Баткен облусундагы иш сапарында билдирди.
“Учурда көптөгөн товарлар сырттан импорттолуп жатат. Бирок биз аны өзгөртүүнү пландаштырып жатабыз. Өлкөнү өзүбүз өндүргөн товарлар менен камсыздашыбыз керек”, - деди Марипов.
Министрлер кабинети 11-майда өсүмдүк майы менен кумшекерге болгон баага убактылуу мамлекеттик жөнгө салууну киргизген.
Аны ишке ашыруу Экономика жана финансы министрлигине караштуу Монополияга каршы жөнгө салуу мамлекеттик агенттигине тапшырылган.
Антимонополия агенттигинин маалыматына ылайык, Кыргызстанга өсүмдүк майынын 90-95 пайызы, кумшекердин 50 пайызы сырттан келет.
Өсүмдүк майы өткөн жылдын май айына карата 60 пайызга, ал эми кумшекер 45-46 пайызга чейин кымбаттады.
Өлкөдө соңку айларда дээрлик бардык тармактарда кымбатчылык байкалууда. Азык-түлүктүн, күйүүчү майдын жана башка товарлардын баасы кескин өстү. (MiK)
Дагы караңыз
COVID-19: дагы сегиз киши каза болду, 325 кишиден жаңы аныкталдыБеларус активисти абакта каза болдуБаткенге Калкты тейлөө кызматынын кошумча филиалдары ачылатВакцина чырына байланыштуу Ленин райондук ооруканасынын башкы врачы иштен кеттиЖол кырсыгына катышкан депутаттын уулунун иши токтотулдуАба ырайы: күн ысыйтКыргызстандагы бардык райондун акимдери ротация болдуНазарбаев "ЕАЭБдин тыгыз интеграциясын" каалабаган күчтөр бар экенин айтты