Ички иштер министрлиги (ИИМ) парламент депутаты Иса Өмүркуловдун уулу катышкан жол кырсыгын иликтөөнү токтотту. Бул тууралуу Бишкек шаардык милициясынан кабарлашты.
Маалыматка ылайык, кырсыктан жеңил жараат алган М.Ж. аттуу адам “эч кимге доом жок” деп арыз жазып берген. Буга байланыштуу сотко чейинки өндүрүш иши токтотулду. Айдоочуга 22 миң сом айып пул чегерилди.
Милиция 15-майда кечки саат 22:30 чамасында "Порше Пономера" машинесинин айдоочусу Бишкектин Масалиев көчөсүнөн Токтоналиев көчөсүнө солго бурулуп жатканда жөө адамдар өтчү жерден 28 жаштагы кызды уруп кеткенин кабарлаган.
Текшерүүлөрдүн натыйжасында айдоочу спирт ичимдигин ичип алганы аныкталган. Бул факты Кылмыштардын жана жоруктардын бирдиктүү реестрине катталып, 297-берене ("Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу") менен сотко чейинки териштирүүгө алынган.
Милиция айдоочу Жогорку Кеңештин депутаты Иса Өмүркуловдун уулу Азамат Өмүркулов экенин тастыктаган.
Азамат Өмүркулов 2011-жылы үч адамдын өлүмүн алган жол кырсыгына да себепкер болуп, эки жылга шарттуу кесилген. (MiK)
Дагы караңыз
Кыргызстандагы бардык райондун акимдери ротация болдуНазарбаев "ЕАЭБдин тыгыз интеграциясын" каалабаган күчтөр бар экенин айттыКоронавирустан дагы сегиз киши каза болдуБишкекте Тажикстандагы жарандык согушту чагылдырган спектакль болотЭл аралык комитет: Токиодогу Олимпиада жылдырылбайтАКШ Гренландия менен тыгыз кызматташууну көздөйтОоганстанда экинчи район талибдердин карамагына өттү