Дүйнөлүк саламаттык сактоо уюму (ДССУ) коронавируска каршы вакцина катары кытайлык “Sinopharm” препаратын каттоого алды. Бул Бириккен Улуттар Уюму кабыл алган Европада өндүрүлбөгөн алгачкы вакцина болуп калды.
Кытайдын мамлекеттик "SinoPharm" корпорациясы жасаган вакцина ДССУ коронавируска каршы деп жактырган башка препараттардан айырмаланат. Ал дарылардын классикалык схемасы болгон “инактивдешкен вакцина” же “өлгөн вирусту” организмге киргизүү менен иммундук системаны пайда кылат.
Вакцина өндүрүүчүлөрүлөрү “Sinopharm” вакцинасынын натыйжалуулугу 79% деп билдирүүдө. Бирок, батыш өлкөлөрүнүн илимий коомчулугуна дарыны сыноо ачыктыгы суроо жаратууда.
Буга чейин ДССУ Евробиримдиктин аймагында "AstraZeneca", "Pfizer/BioNTech", "Moderna" жана "Johnson & Johnson" компанияларынын вакциналарын каттоодон өткөргөн.
Орусиянын "Спутник V" препараты март айынан бери Европанын дары-дармектер агенттигинин бүтүмүн күтүп турат. Ошондой эле орусиялык бул вакцина ДССУ сунуштаган препараттардын тизмесинде жок.
Кыргызстанда Кытайдын "Sinopharm" жана Орусиянын "Спутник V" вакциналары менен эмдөө жүрүп жатат. Расмий эсепте 40 миңдей киши вакцина алды.
Кытай препараты 75 миң адамга, орус препараты 10 миң адамга жетет. Кошумча вакцина алуу боюнча сүйлөшүүлөр жүрүүдө. Өкмөт эл аралык COVAX программасынын алкагында британ-швециялык "AstraZeneca" вакцинасы да келерин билдирген.
Кыргызстанда коронавирус пандемиясы башталган март айынан бери илдетти жугузуп алгандардын жалпы расмий саны 98 079га жетсе, айыккандардын саны 91 267 кишини түздү.
Дагы караңыз
Баткен: жаңжалда каза болгондордун үй-бүлөлөрү үчүн турак жай курулатЖалал-Абадда алты жаштагы бала сууга агып кеттиАба ырайы: Бишкекте жамгыр, тоолордо кар жаайтМарат Иманкулов Коопсуздук кеңешинин катчысы болуп дайындалдыCOVID-19: алты бейтап көз жумду, 416 адамдан жаңы аныкталдыБайден Путин менен жолугууга даяр экенин ырастады