Казак өкмөтү коронавирустан улам 54 өлкө менен визасыз каттамды убактылуу токтотуу тууралуу чечимин декабрга чейин узартты. Бул тууралуу Казакстандын Тышкы иштер министрлиги 4-майда билдирди.
Визасыз каттамды токтотуу чечими былтыр коронавирус инфекциясынын жайылышынын алдын алуу максатында кабыл алынган. Анын мөөнөтү үч күн мурда бүткөн. Чектөөнү узартуу чечими COVID-19 илдетинин жайылышын алдын алуу максатында кабыл алынды.
Казак бийлиги 2012-жылы АКШ, Канада, Улуу Британия, Австралия баштаган 57 өлкөнүн жарандарына Казакстанга визасыз каттоого уруксат берген.
Өкмөттүн соңку чечимине ылайык, алардын ичинен Түркия, Бириккен Араб Эмираттары жана Түштүк Кореянын жарандары Казакстанга ээн-эркин каттай беришет.
Расмий маалымат боюнча, 18,8 миллиондой калк бар Казакстанда 4-майга карата 330 миңден ашуун адам коронавирусту жугузуп алды. Алардын 3762 COVID-19 илдетинен көз жумду.
Дагы караңыз
Кастыктан күлү асманга учкан Достук айылыЧек арадагы чыр: тараптардын жүйөлөрү Бекзод уулунун күлгөнүн көрбөй калдыТокмок: Шайлоо жыйынтыгы жокко чыгарылдыОоган бийлиги талибдердин чабуулунун мизин кайтарганын жарыялады