Баткенде кыргыз-тажик чек ара тилкесинде жайгашкан айылдардан 33 388 киши коопсуз жайга көчүрүлдү. Анын 20 миңге жакыны балдар. Бул тууралуу бүгүн, 2-майда саламаттык сактоо жана социалдык өнүктүрүү министринин орун басары Ализа Солтонбекова билдирди.
Маалыматка ылайык, кооптуу абал түзүлгөн айылдардан эвакуацияланган кары-картаңдар, аялдар жана балдар үчүн Баткен жана Сүлүктү шаарларындагы мектептерде, чайканаларда жана мейманканаларда убактылуу жай ачылып иштеп жатат.
Мындан тышкары, тургундар жакындарынын жана туугандарынын үйлөрүнө да жайгашкан.
Айылын таштап качып чыккандарга гуманитардык жардам берүү демилгеси өлкөнүн жер-жерлеринде көтөрүлүп жатат.
28-апрелде кыргыз-тажик чек арасында чыр чыгып, 29-30-апрелде Баткен жана Лейлек райондорундагы чек арада атышуу болуп, ондогон үй, имараттар өрттөлдү.
Расмий маалыматка ылайык, Баткен облусундагы кыргыз-тажик чек арасындагы кагылыштарда 34 адам каза тапты. Жараат алгандардын саны 178 кишиге жетти.
Ал эми тажик тараптан 15 киши каза болуп, 90 жараны жараат алганын "Азаттыктын" тажик кызматы ишенимдүү булактарына таянып жазды. Тажикстандын бийлиги жабыркагандар тууралуу расмий маалымат бере элек.
Кыргызстанда 1-2-май чек арада каза тапкандарга аза күтүү күнү деп жарыяланган. (MiK)
Дагы караңыз
Коронавирустан бир күндө жети бейтап каза болдуЧек ара чырында жараат алган бир адамдын абалы өтө оор экени айтылдыКыргыз-тажик чек арасы боюнча төрт пункттан турган протокол түзүлдүБаткен: Чек ара тилкесинен кошумча күчтөр алына баштадыБританиянын элчиси Кыргызстанга көңүл айтты БУУда элчи Молдоисаева баш катчынын жардамчысы менен жолуктуМекендештер жаңжалда жабыркагандарга онлайн жардам көрсөтүүгө даяр