Президент Садыр Жапаров бүгүн, 1-майда Бишкектеги Травматология жана ортопедия илимий борборуна (БТОИБ) барып, кыргыз-тажик чек арасындагы соңку окуялар учурунда жараат алгандардан кабар алды.
Президент аларга мамлекет тийиштүү жардам көрсөтөрүн белгиледи.
30-апрелде Бишкектин ооруканаларына Баткен облусунан 46 бейтап жеткирилген.
28-апрелде кыргыз-тажик чек арасында тутанган окуянын кесепетинен Кыргызстандан 33 адам каза болду, 163 адам жараат алды. Тажикстандын бийлиги жабыркагандар тууралуу расмий маалымат бере элек, журналисттер 90 адам жараат алганын, 12 киши каза болгонун маалымдашты.
1-2-май Кыргызстанда улуттук Аза күтүү күндөрү деп жарыяланган. (RK)
Дагы караңыз
Чек ара кызматы Тажикстан эки тараптуу келишимди бузганын маалымдадыБаткендеги үй-жайын таштап Ошко 40 чамалуу адам келдиЛейлекте Кыргызстан менен Тажикстандын ИИМ өкүлдөрүнүн жолугушуусу өттүАКШ жана НАТО Ооганстандан аскерлерин чыгара баштады