Орусия Европа Биримдигинин сегиз аткаминерине карата санкция киргизди, алардын арасында орусиялык оппозиционер саясатчы Алексей Навальныйдын иши боюнча баяндама жасаган франциялык депутат бар.
Европа Кеңешинин парламенттик ассамблеясынын мүчөсү, франциялык депутат Жак Мэрге жана дагы жети кишиге Орусиянын аймагына кирүүгө тыюу салынды. Алардын айрымдары Навальный ууландырылганы боюнча иликтөө жүргүзүүгө катышкан.
Орусиянын Тышкы иштер министрлиги Евробиримдиктин саясатын “биздин өлкөнүн өнүгүүсүнө кандай жол менен болсо да тоскоолдук кылуу аракети” деп баалады.
Бейшембиде Европарламент Орусия Украинанын аймагына куралдуу аскер күчтөрүн киргизсе, Москвага каршы катаал санкцияларды жарыялоону сунуштаган резолюциянын долбоорун жактырган. (RK)
Дагы караңыз
Лейлек районуна гуманитардык жардам жетпей жататБаткен: Төрт-Көчө кайра жабылып, Аркада ок атылганы кабарландыКоронавирус бир күндө сегиз бейтаптын өмүрүн алды, 477 кишиден табылдыСадыр Жапаров Шавкат Мирзиёев менен кыргыз-тажик чек арасын талкуулады