30-апрелдин эртең мененки саат 7:50сүнө карата расмий маалымат боюнча кыргыз-тажик чек арасындагы жаңжалдан каза болгон кыргызстандыктар 13кө жетти. Бул тууралуу “Азаттык” радиосуна Саламаттык сактоо жана социалдык өнүктүрүү министрлиги кабарлады.
Мекеменин маалыматына караганда, жараат алгандардын жалпы саны 134 адам. Алардын 25ин атайын учак менен Баткенден Бишкекке алып келип, үч ооруканага жаткырышты. Эки бейтаптын абалын дарыгерлер оор деп баалап жатышат, калгандары орточо жана канааттандырарлык абалда.
Кыргызстан менен Тажикстан чектешкен аймакта 28-апрелде чек ара чыры чыгып, 29-апрелде абал курчуган.
Тажик тараптан 90дой адам жараат алып, он чактысы каза болгонун бейрасмий булактар кабарлоодо.(RK)
Дагы караңыз
Чек ара чырынан жарадар болгондордун саны 124 адамга жеттиЛейлек: Ок атышуу уланып, айылдарда үй-жайлар өрттөндү Израилдеги диний майрамда сахна кулап, ондогон адам каза тапты Европарламент Орусияга санкцияларды күчөтөрүн билдирди