Жогорку Нарын ГЭС каскадынын курулушунун көлөмү азайтылат. Мурда пландалган төрт ГЭСтин ордуна бирөө гана курулат. Бул тууралуу энергетика жана өнөр жай министри Кубанычбек Турдубаев “Азаттыкка” курган маегинде билдирди.
“ГЭСтин натыйжалуулугун көтөрүп, дизайнын өзгөртөлү деген сунушубузду Орусия жактырды. Сүйлөштүүлөр жүрүп жатат. Ушул тапта Орусиянын өкүлдөрү Бишкекке келди. Эми "РусГидронун" жетекчилерин күтүп жатабыз. Алар келсе келишимди жандандырып, долбоорду кайра иштетели деген оюбуз бар”, - деди министр.
2012-жылы Орусия каражаты менен башталган "Жогорку Нарын ГЭС каскадынын" курулушу 2016-жылы токтогон.
Ага Кыргызстандын “иш жылбай жатат” деген жүйөсүнүн негизинде келишимден бир тараптуу чыкканы себеп болгон.
Орусия бул долбоорго «РусГидро» компаниясынын 37,5 миллион доллар каражаты сарпталганын билдирип, 2018-жылы Гаагадагы эл аралык арбитражга кайрылган. 2020-жылы май айында Кыргызстандын Өнөр жайы, энергетика жана жер казынасын пайдалануу боюнча мамлекеттик комитети арбитраждык териштирүү убактылуу токтоп турганын билдирген.
Учурда бул объект "Электр станциялары" ишканасынын көзөмөлүндө. (MiK)
Дагы караңыз
Бишкекте журналист Эрнис Асек уулун эскерүү кечеси өттүПрофессор Аскар Какеев дүйнө салдыCOVID-19: Вирус дагы 199 адамдан табылды, эки бейтап каза болдуТалант Мамытов БУУнун туруктуу өкүлүнөн жардам сурадыНовиков "кара тизме" жөнүндө көбүрөк түшүндүрүүнү тапшырды “C5+1” форматындагы жолугушуу болуп өттү"Шамбала" тасмасы "Ника" киноакадемиясынын сыйлыгын алды