Мамлекеттик бажы кызматы быйыл жыл башынан бери эле баңгизат ташыган 30 учурду каттады. Бул иштердин натыйжасында мыйзамсыз ташылган 100 кг жакын маңзат табылган. Алар:
- марихуана 48 кг. 304гр, 89мг.;
- гашиш 45 кг. 833гр, 25мг.;
- апийим 2гр. 91 мг.;
- психотроптук каражаттар 450гр.
Бажы кызматы тараткан маалыматка ылайык, бул сандар былтыркыга салыштырмалуу 57% көп.
Мындан бир ай мурда Ошто маңзат ташыгандарды калкалап жүргөн деген шек менен милиция жетекчиси кармалган. Улуттук коопсуздук боюнча мамлекеттик комитети (УКМК) колго түшкөн тартип сакчылары көптөн бери Ош облусунун аймагында ири өлчөмдөгү баңги заттарын сатуу менен алектенип жүргөн деп шектелгенин билдирген.
Кыргызстан Ооганстанда өстүрүлгөн баңгизаттарын Орусияга жана Европа өлкөлөрүнө жашыруун алып өтүүчү трафикте жайгашкан өлкө экенин адистер белгилешет. (MiK)
Дагы караңыз
Чектеш үч облустун жетекчилеринин жолугушуусу башталдыCOVID-19: Кыргызстанда он беш миңдей адам вакцина алдыКытайда каза болгон кыргызстандык студенттин сөөгү туугандарына берилдиСоңку бир суткада коронавирустан жети адам каза болду Кыргызстанда «Спутник V» вакцинасы менен эмдөө башталат Баткенде "Салттуу музыка жумалыгы" башталат