Улуттук коопсуздук боюнча мамлекеттик комитеттин төрагасы Камчыбек Ташиев "Кемпир-Абад" суу сактагычынын жанындагы жерге байланыштуу нааразы болуп жаткандар менен 19-апрелде жолугушууга барды.
Жолугушуу ушул тапта (13:20) Оштун Кара-Суу районуна караштуу Савай айыл өкмөтүнүн Ынтымак айылында болуп жатканын "Азаттыктын" кабарчысы жеринен маалымдады.
Камчыбек Ташиев эл менен жолугушууга барган учуру. 19-апрель, 2021-жыл.
Жергиликтүү тургандар "Кемпир-Абаддын" жанындагы 50 гектар жердин Өзбекстанга өткөрүлүп берилишине каршы экенин айтышып, 17-апрелде мөөнөтсүз акция башташкан.
УКМКнын жетекчиси Камчыбек Ташиев 30-мартта Өзгөн районунда тургундар менен жолугушуу учурунда "Кемпир-Абад" суу сактагычынын плотинасынын жанынан 50 гектар жер Өзбекстанга берилгенин, анын ордуна Кыргызстан башка аймактан жер алганын айткан.
Жергиликтүүлөр ушул билдирүүдөн улам мөөнөтсүз нааразылык акция баштаган.
18-апрелде Москвадагы кыргызстандык мигранттар да бийликтин чечимине каршылык билдиришти.
Жер алмашуу аракети быйыл 24-25-мартта Ташкентте чек араны делимитациялоо жана демаркациялоо боюнча өткөн кыргыз-өзбек өкмөт аралык комиссиясынын жыйынынан соң маалым болду. (SE\DU)
Дагы караңыз
Өзбекстанда карантин, Түркия казак вакцинасын чыгаратБишкек: добуш берүүнүн жыйынтыгы кайра эсептелетНоокатта жолдун оңдолушун талап кылган акция өттү "Кемпир-Абад": жергиликтүүлөрдүн жер ызасыКамчыбек Ташиев: Өзбекстан менен эң пайдалуу макулдашуу болду"Кемпир-Абад": жер берүү мигранттарды нааразы кылды"Кемпир-Абад": Ташиев 50 гектарды 20га азайтууга аракет кыларын айтты