Бишкекте дагы үч мектеп окуу процессин убактылуу онлайнга өткөрдү. Бул тууралуу 17-апрелде мэриянын басма сөз кызматы кабарлады.
Мекеменин маалыматына караганда, окуучулардын жана мугалимдердин саламаттыгы үчүн №24, №17 жана №67 мектептер азырынча онлайн иштейт. Жалпысынан бул үч мектепте төрт окуучуда жана бир педагогдо COVID-19 табылды.
Буга чейин борбор калаада сегиз мектеп жана эки бала бакча убактылуу онлайнга өткөн. Коронавирус аныкталган 19 мектеп ишин улантууда, алардагы 26 класс онлайн окуп жатат.
Мектептерди аралыктан иштөөгө толук өткөрүү же өткөрбөө маселеси коронавируска чалдыккан окуучу же мугалим менен контакт болгондордун санына жараша чечилерин, чечимди санитардык-эпидемиологиялык көзөмөл борборунун адистери кабыл алышарын мэрия 14-апрелде билдирген.
Мектептердин баары 2020-жылдын мартында коронавируска байланыштуу толук жабылган. Кийин аймактардагы мектептер ишин улантып, Бишкекте жарым-жартылай ыкмада окуу башталган.
Кыргызстанда соңку күндөрү коронавирус жугузуп алгандард көбөйүүдө. Алардын көбү Бишкекте жана Чүйдө. Бул оору жалпысынан 90 миңден ашуун адамга жукту, алардын 1,5 миңдейи каза болду.
Бишкекте муниципалдык 97 орто мектеп бар. (RK)
Дагы караңыз
Байден сынды кабыл алып, иммиграциялык квотаны Трамптын доорундагыдай төмөн кармоо чечиминен баш тартты 18-апрелдин аба ырайыЖурналист Майрамбек Тойгонбаев каза болдуИсмаил Исаков: Июнь окуясы боюнча маселени кайра козгоо опурталдуу